Նորություններ

Պատահարներ

Փրկարարներն ավտոմեքենաները դուրս են բերել արգելափակումից

07:58 / 15.04.2015

Ապրիլի 15-ին, ժամը 07.51-ին ահազանգ է ստացվել, որ Սոթք-Քարվաճառ ավտոճանապարհի 1-ին ոլորանի մոտակայքում ՎԱԶ-2109 մակնիշի ավտոմեքենան արգելափակվել է ցեխակույտի մեջ. դուրս բերելու համար անհրաժեշտ է փրկարարների օգնությունը:
Հերթապահություն իրականացնող ՀՓՋ-ի մարտական հաշվարկը Սոթք-Քարվաճառ ավտոճանապարհի 15-րկ կմ-ի մոտակայքից` արգելափակումից, դուրս է բերել Լ. Ի.-ի ՎԱԶ-21099 մակնիշի 34 CD 595 պետհամարանիշի ավտոմեքենան:

*** 

Ապրիլի 14-ին, ժամը 21.35-ին ահազանգ է ստացվել, որ Սոթք-Քարվաճառ ավտոճանապարհին՝ ոսկու հանքի մոտակայքում, 4 ավտոբուս արգելափակվել է ցեխակույտի մեջ. դուրս բերելու համար անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ:
Ժամը 00.30-ի դրությամբ մարտական հաշվարկը հերթապահության ընթացքում արգելափակումից դուրս է բերել 11 մարդատար ավտոմեքենա և 4 ավտոբուս:

 

***

Ապրիլի 14-ին, ժամը 17.08-ին ահազանգ է ստացվել, որ Սոթք-Քարվաճառ ավտոճանապարհի վերջին ոլորանին Ֆորդ և ԿամԱԶ մակնիշի ավտոմեքենաներն արգելափակվել են ցեխակույտի մեջ. դուրս բերելու համար անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ:
Հրշեջ-փրկարարներն արգելափակումից դուրս են բերել «Ֆորդ» մակնիշի (վարորդ Մ. Հ.) 34TT586 պ/հ ավտոմեքենան:

***

Ապրիլի 14-ին, ժամը 11.58-ին ահազանգ է ստացվել, որ Գեղարքունիքի մարզ Սևանա լճի թերակղզու ափամերձ հատվածում ավտոմեքենան հայտնվել է ջրում. դուրս բերելու համար անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ:
Ջրափրկարարներն արգելափակումից դուրս են բերել «Մերսեդես» մակնիշի (վարորդ՝ Հ. Ս.) 57RO075 պետհամարանիշի ավտոմեքենան:

***

Ապրիլի 14-ին, ժամը 09.16-ին ահազանգ է ստացվել, որ Գեղարքունիքի մարզի Նորատուս գյուղում «ՎԱԶ-2106» մակնիշի ավտոմեքենան կախվել է ձորակից, տուժածներ չկան, առկա է ներքև սահելու վտանգ. դուրս բերելու համար անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ:
Պարզվել է, որ «ՎԱԶ-2106» մակնիշի (վարորդ Մ. Մ.) 34 SV 666 պետհամարանիշի ավտոմեքենան դուրս է եկել ճանապարհի երթևեկելի մասից, ինչի հետևանքով ավտոմեքենայի ակն ընկել է ճամփեզրյա փոսի մեջ:
Հրշեջ-փրկարարներն արգելափակումից դուրս են բերել ավտոմեքենան:

 

← Վերադառնալ ցուցակին