Նորություններ

Պատահարներ

Հրդեհ «Պեկին» չինական ռեստորանի խոհանոցում

21:21 / 10.10.2015


Հոկտեմբերի 10-ին, ժամը 21.16-ին ահազանգ է ստացվել, որ Երևանի Կասկադ համալիրում՝ Թամանյանի արձանի մոտակայքում, բնակարան է այրվում:

Դեպքի վայր է մեկնել մեկ մարտկան հաշվարկ, ՃԿԱԿ ԱԻ արձագանքման և օպերտիվ խմբերը:

Պարզվել է, որ Թամանյան փողոցի թիվ 2 հասցեում՝ «Պեկին» չինական ռեստորանի խոհանոցում (14 քմ), գազի բալոնից (20 կգ-անոց) տեղի է ունեցել արտահոսք՝ կուտակումով, ինչի հետևանքով տեղի է ունեցել պայթյուն՝ հրդեհի բռնկումով:

Հրդեհը մեկուսացվել է ժամը 21.27-ին, մարվել՝ 21.31-ին: Այրվել է խոհանոցի առաստաղից մոտ 4 քմ հատված, ջրատաքացուցիչի լարերը (2 գմ), ջերմահարվել՝ ջրատաքացուցիչը և գազի կաթսան:

Վնասվել են խոհանոցի ցուցափեղկերը և սառնարանի ապակին:

Ռեստորանի աշխատակիցը` 1958 թ. ծնված Ս. Հ.-ը, հոսպիտալացրել է Հերացու անվան թիվ 1 համալսարանական կլինիկա, որտեղ ստանալով համապատասխան բուժօգնություն` դուրս է գրվել:
 

← Վերադառնալ ցուցակին