Նորություններ

Պատահարներ

ՃՏՊ Երևան-Իջևան ավտոճանապարհին. կա զոհ

15:45 / 11.02.2019

Փետրվարի 11-ին, ժամը 13:35-ին «911» ծառայությանը տեղեկություն է հաղորդվել, որ Մ-4 ավտոճանապարհի Դիլիջան-Իջևան հատվածում՝ Հաղարծին բնակավայրի մոտակայքում, տեղի է ունեցել ՃՏՊ. անհրաժեշտ է փրկարարների օգնությունը:

Դեպքի վայր է մեկնել ԱԻՆ ՓԾ հրշեջ-փրկարարական ջոկատից մեկ մարտական հաշվարկ:

Պարզվել է, որ Մ-4 ավտոճանապարհի Երևան-Իջևան հատվածի 110-րդ կմ-ին բախվել են «ՎԱԶ 2107» (վարորդ՝ 1956 թ. ծնված Մ. Հ.) և «Kia Sorento» մակնիշերի (վարորդ՝ 1988 թ. ծնված Դ. Պ.) ավտոմեքենաները: «ՎԱԶ 2107» մակնիշի ավտոմեքենայի վարորդը տեղում մահացել է:

Փրկարարները հոսանքազրկել են ավտոմեքենաները և փակել «ՎԱԶ 2107» մակնիշի ավտոմեքենայի գազի բալոնի փականը:

← Վերադառնալ ցուցակին