Նորություններ

Պատահարներ

Ավտոմեքենան դուրս է եկել ճանապարհի երթևեկելի հատվածից և բախվել գազատար խողովակին

18:30 / 13.01.2020



Հունվարի 13-ին, ժամը 13:27-ին «911» ծառայություն ահազանգ է ստացվել, որ Կոտայքի մարզի Աբովյան քաղաքի «Սիրիուս» գործարանի մոտակայքում տեղի է ունեցել ՃՏՊ, առկա է գազի արտահոսք. տուժածներ չկան:

Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ:

Պարզվել է, որ Սևանի փողոցի թիվ 11 շինության դիմաց «Opel Astra G» մակնիշի ավտոմեքենան (վարորդ՝ Էդգար Ա., ծնված 1993 թ.) դուրս է եկել ճանապարհի երթևեկելի հատվածից և բախվել գազատար խողովակին. գազատար խողովակից առկա է արտահոսք:

Փրկարարները փակել են ավտոմեքենայի գազի բալոնի փականը և իրականացրել հերթապահություն՝ մինչ «1-04» ծառայության աշխատակիցների ժամանումը. վերջիններս դադարեցրել են գազի արտահոսքը:

← Վերադառնալ ցուցակին