Նորություններ

Պաշտոնական

ԱԻՆ ՓԾ ստորաբաժանումները 39 հսկվող այրում են իրականացրել

17:00 / 30.07.2020



ԱԻ նախարարի հրամանով` ՓԾ ստորաբաժանումների կողմից ՀՀ մարզերի և Երևանի խոտածածկ տարածքներում հսկվող այրումներ են իրականացվում:

Հրշեջ-փրկարարներն աշխատում են այն չոր խոտածածկ տարածքներում, որտեղ ցանկացած պահի կարող են հրդեհներ բռնկվել:

Վերահսկվող այրումը հնարավորություն է տալիս կանխել հրդեհների առաջացումը, զերծ մնալ հնարավոր մարդկային ու նյութական վնասներից, ռեսուրսներ խնայել:

Հուլիսի 1-ից 30-ը պլան-ժամանակացույցով նախատեսված 39 հսկվող այրում է կատարվել ամբողջ հանրապետությունում՝ ընդհանուր 82 հա մակերեսով:

Յուրաքանչյուր կառավարվող այրում իրականացվել է մեկ մարտական հաշվարկի կողմից՝ հերթապահությամբ: 

← Վերադառնալ ցուցակին